對於票房理想兼歸本，焦媛謂終於辛苦有價，且令全組工作人員都帶來鼓舞性 。為了這齣劇她不但失眠兼險些染上?癮，一來緊張票房，二來因劇中所飾的角色如妓女、模特兒等，在造型上得?不離手，所以每晚綵排完 畢後回家，要不停漱口，食香口膠除口氣。如今票房滿意，總算讓她鬆一口氣，情人節公映期間可全心投入演出。
屋企人都自己買
提到屆時可會邀請高志森來捧場？焦媛即答謂：「梗係自己買飛睇啦！我屋企人都係要自己買飛睇架！」記者笑指高 志森豈不是她的家人？焦媛不好意思說：「咁都畀你地捉到字蝨，唔講佢架。」焦媛當日曾被指「春天舞台」台柱，如今自立門戶，可擔 心被指飲水不思源？焦媛稱照樣會跟「春天」合作，稍後演出《阮玲玉》，不過話口未完，即收口謂：「唔好幫佢做宣傳啦，講番我地齣 劇。」
此外，《赤》劇稍後亦移師新加坡公演，雖然當地檢批尺度很嚴格，但該劇將列為意識大膽題材劇公演問題不大。
高志森 話唔介意
另外，高志森對於焦媛叫他自己買飛捧場？他大方的謂：「咁都要既，聽講佢有全裸演出，對香港舞台劇來說都算震撼，想 睇下佢點處理，開下眼界。佢自立門戶，唔飲水思源？大個女無得講。我地唔會無合作，遲的都同佢地去澳門、廣州公演《阮》劇，之後 係點，睇緣分咯！」
焦媛和李潤祺昨日預演一幕「女護士挑逗的士司機」，七情上面。